Uschespert ch'ina intervenziun architectonica (er ina intervenziun provisoria) mida in lieu, basegni da princip ina permissiun. Las leschas da construcziun chantunalas fixeschan per tge edifizis ch'ins na basegna nagina permissiun. Sch'in project è domicilià en la zona da construcziun da la vischnanca, infurmescha en cas da dubi l'uffizi da construcziun cumpetent da las vischnancas davart las disposiziuns vertentas. Sche quai n'è betg il cas, gida l'uffizi chantunal da construcziun.

L'inoltraziun d'ina dumonda da construcziun vegn communitgada publicamain. Questa publicaziun infurmescha tranter auter davart ils termins per in'eventuala protesta. Ultra da quai vegnan exponids publicamain la dumonda da construcziun ed ils documents dal project, uschia ch'ins po prender invista da tals durant il termin da protesta. Ina protesta po vegnir fatga, sch'il project violescha interess publics u privats, en spezial interess da vischin ch'èn degns da vegnir protegids.