En Svizra ston tut las persunas esser assicuradas cunter accident, dentant datti constellaziuns differentas:

• En cas che Vus essas emploiada u emploià, è Voss patrun obligà d’As assicurar tar in’assicuranza d’accidents. La premia d’assicuranza vegn deducida da Vossa paja. Quai vala er per persunas che lavuran a chasa e per persunas ch’emprendan.

• En cas che Vus essas assicurada u assicurà cumplainamain sur Voss patrun cunter l’accident, As recumandain nus d’annullar la garanzia dals custs d’accident cuntegnida en Vossa cassa da malsauns (assicuranza da basa) per spargnar premias. En cas che Vus essas annunziadas u annunziads sco dischoccupada u dischoccupà essas Vus automaticamain assicurada u assicurà tar l’Institut svizzer d’assicuranza d’accidents Suva. La premia d’assicuranza vegn deducida dals daners da dischoccupaziun.

• En cas che Vus lavurais independentamain pudais Vus far sezza u sez in’assicuranza d’accidents.

• En tut ils auters cas n’essas Vus betg assicurada u assicurà tar l’assicuranza d’accidents. La ristga d’accidents vegn dentant pajada da l’assicuranza da malsauns obligatorica (assicuranza da basa). Quai vala per exempel per chasarinas, uffants, studentas e students e per persunas pensiunadas. Examinai Vossa polissa da la cassa da malsauns.
  

I n’è betg adina simpel da differenziar tranter accident e malsogna. L’assicuranza d’accidents sa mussa mo en cas che l’accident u la malsogna professiunala èn fixads correspundentamain en la lescha. En il singul cas mussa la Suva ils criteris tenor lescha da la garanzia presumabla cun exempels concrets.

Importa Voss pensum da lavur tar Voss patrun pli che otg u dapli uras per emna, paja l’assicuranza d’accidents en cas d’accidents da lavur e da malsognas professiunalas sco er per accidents ordaifer la professiun che succedan per exempel durant.

Importa Voss pensum da lavur tar Voss patrun pli pauc che otg uras per emna, paja l’assicuranza d’accidents mo en cas d’accidents da lavur e da malsognas professiunalas. Succeda in accident durant il viadi da lavur, vala el sco accident da lavur.

En cas che Vus avais gì in accident, stuais Vus infurmar Voss patrun uschè svelt sco pussaivel. Quel sto annunziar il cas immediatamain a l’assicuranza.

En cas che Vus essas annunziada u annunzià sco dischoccupada u dischoccupà, stuais Vus infurmar l’intermediaziun regiunala da lavur u la Suva.

En cas che Vus essas assicurada u assicurà tar la cassa da malsauns cunter accident, stuais Vus infurmar quella.

Suenter stuais Vus emplenir il formular per annunziar l’accident e trametter el a l’assicuranza responsabla.

Custs medicinals

L’assicuranza d’accidents paja ils custs medicinals en connex cun l’accident. Auter che tar l’assicuranza da basa vegnan ni la franschisa ni la quota persunala incassadas.

Diaria / pajament cuntinuà da la paja

En cas che Vus essas invalida u invalid pervia da l’accident, pudais Vus a partir dal terz di suenter l’accident pretender ina diaria dad 80 pertschient da Vossa paja.

En cas che l’indemnisaziun da l’assicuranza d’accidents importa pli pauc, sto il patrun pajar la differenza. Sche las contribuziuns da l’assicuranza importan almain 80 pertschient da Vossa paja, n' è Voss patrun betg obligà da pajar vinavant la paja.

En cas che l’assicuranza d’accidents na surpiglia betg il cas, survegn la lavuranta u il lavurant sur in tschert temp per regla l’entira paja. Questa durada dependa per quant temp ch’insatgi ha lavurà per sia firma. As infurmai en il reglament da lavur sche Vus vulais vegnir a savair, tge che vala en Voss cas.

Per plaschair resguardai: Sche Vus lavurais malgrà che Vus essas invalida u invalid, po l’assicuranza pretender che Vus pajas enavos la diaria retschavida.

Autras contribuziuns da l’assicuranza d’accidents

L’assicuranza d’accidents prevesa differentas contribuziuns finanzialas.

L’assicuranza po pajar ina renta per survivents, en cas ch’il tractament medicinal n’empermetta nagina meglieraziun essenziala dal stadi da sanadad futur. Quai vala dentant mo, sch’il grad d’invaliditad importa almain 10 pertschient. Questa renta po vegnir concedida supplementarmain a la renta per survivents da l’assicuranza d’invaliditad.

L’assicuranza po pajar ina indemnisaziun d’integritad e/u ina indemnisaziun a persunas dependentas d’agid en cas ch’els dovran sustegn duraivel per pudair dumagnar incumbensas da mintgadi.

Mora la persuna assicurada da las consequenzas d’in accident, pon la dunna, l’um u la partenaria registrada u il partenari registrà ed ils uffants pretender ina renta per survivents.