Per daventar commember d'ina partida politica existenta na dovri naginas formalitads spezialas. Ins sto mo contactar la partida giavischada ed observar las instrucziuns per daventar commember. Intginas partidas permettan in discurs per respunder dumondas. Ins po s'engaschar en pliras modas e manieras en ina partida. Tar intginas partidas pon ins per exempel daventar commember passiv per survegnir in'emprima impressiun. Ils commembers pajan per regla ina contribuziun annuala che vegn fixada da la partida. L'autezza da la contribuziun dependa da la regiun, da la partida e da la situaziun finanziala individuala.
En Svizra po mintga persuna fundar ina partida. Il proceder è simpel. La furma usitada è l'uniun. Las disposiziuns respectivas èn fixadas en il Cudesch civil svizzer. In'uniun resp. en quest cas ina partida sto fixar en ils statuts en scrit il suandant: intent (orientaziun politica), finanziaziun ed organisaziun (organs da la partida). Questas disposiziuns valan independentamain dal fatg, sche la partida è activa sin plaun communal, chantunal u federal ubain sin plirs plauns il medem mument.
If you decide not to establish your party in the form of an association, it will be an ordinary partnership; in other words, all party members bear unlimited liability for party debts to the full extent of their assets.Si vous décidez de ne pas constituer votre parti sous la forme d’une association, votre parti sera une société simple, c’est-à-dire que tous ses membres répondront de manière illimitée des dettes du parti, notamment avec toute leur fortune.
Sche Vus na fundais betg Vossa partida en furma d'ina uniun, sa tracti d'ina societad simpla. Quai vul dir che tut ils commembers ston star bun per eventuals debits da la partida en moda illimitada e cun tut lur facultad.
Las partidas ch'èn represchentadas sin plaun federal u en almain trais parlaments chantunals pon profitar da tschertas facilitaziuns administrativas, sch'ellas sa laschan inscriver en il register da las partidas tar la chanzlia federala. L'inscripziun n'è betg obligatorica.