Tut tenor il tip e la vegliadetgna dal vehichel ha questa controlla lieu en intervals differents dad 1 fin 5 onns. Vus survegnis per quai ina invitaziun en scrit da l'uffizi chantunal per il traffic sin via.
Vus avais er la pussaivladad da laschar controllar in vehichel ordaifer ils intervals da controlla regulars. Quai po esser necessari tar la vendita d'in auto.
Midadas essenzialas dal vehichel ston vegnir annunziadas entaifer 14 dis ed in termin da controlla spezial sto vegnir fixà cun l'uffizi per il traffic sin via. Vus na dastgais betg duvrar Voss vehichel midà avant la controlla extraordinaria.
Vehichels importads ston er vegnir controllads avant ch'els vegnan admess per il traffic. Resguardai per plaschair las infurmaziuns sut. Tar vehichels novs vegn verifitgà enstagl d’in examen, sch’ils documents correspundan al vehichel en dumonda.