Uffants sut 12 onns ston seser en l'auto en sezs d'uffants spezials, nun ch'els sajan pli gronds che 150 centimeters.
Uffants pli gronds che 150 centimeters ed uffants pli vegls che 12 onns ston vegnir segirads cun las tschintas da segirezza avant maun.
Il sez d'uffant sto correspunder a la vegliadetgna ed al pais da l'uffant e sto esser munì cun l'etichetta da controlla correcta.
Uffants dastgan – independentamain da lur vegliadetgna – da princip vegnir transportads er sin il sez dal cunautist. Sche airbags èn avant maun, dastgan vegnir duvrads sezs drizzads vers enavos (p.ex. Maxicosi) mo, sche l'airbag dal cunautist è deactivà.
Indicaziuns detagliadas per segirar uffants en vehichels chattais Vus sin la pagina d'internet dal Uffizi federal da vias.
Sch'in uffant sut 12 onns n'è betg segirà, datti ina multa da 60.– francs.